انا متزوجه مو واحد مو قويب مني بعيد تماما ومن يوم اخذته وضعه المادي سي حتى تاثيث البيت ماكمله لي وباقي النواقص انا كملتها من عندي مع العلم انا موظفه وينقص علي اشياء كثير وحملت وجبت ولد اغراض ولده انا اللي اجيبها هو مامعه شي بس انا تعبت من هالحياه ابي رجال يصرف علي وعلى بيته وولده وفوق ذا كله اخياينا يمد يده علي ويهيني ولا يحترمني ولا يحترم اني موظفه وعني اشغال ولا يبيني ازور اهلي ولا احد والعذر انه مشغول متى لو معي اجازه مايخليني اروح لاهلي ولا يخليني اطلع مع احد ولا فيه احترام ولا فيه تقدير وياخذ مني مبالغ ماليه يسدد اموره وكل مره يقول طلعيني على حسابك عشيني على حسابك ويزعل اذا تناقشت معه وتجادلنا يقول انا امزح انتي تصدقين بسرعه وهو دايم على هالوضع على اساس مزح انا الحين مابي اجيب ولد ثاني وانا هذي حياتي شقه صغيره مره حتى خدامه اجيبها على حسابي ويطفشها لين تروح هو مايدفع شي الا وادر مانكر اذا جاء معه شي طبعا يبدي اموره والتزماته بعدين يفكر فينا يعني مثلا قبل فتره جته فلوس وكنا بالسوق نشري ملابس ولدنا ولا دفع شي خلاني امام الامر الواقع يقول ادفعي انتي قلت والفلوس اللي معك قال انتي ماتدرين عن شي انا عندي وعندي طيب ولدك اهم !! مايحط لنا اولوية انا مره متضايقه من حياتي حتى متفشله منها قدام الكل انا مو كذا كنت عايشه كنت مبسوطه كثير قبل اخذه الصدق ندمت اني هليت هالزوزج يستمر ابي رايك ياشيخ تكفى جد قاعده اعاني من حياته الى متى؟؟؟ ابي رجال اسند عليه مو يسند علي