عندي مطعم شاورما ووجبات سريعه فتحته قبل ثلاث سنوات انا ومعي واحد اردني وسوري دخلنا بنية الشراكه مني
( راس المال )ومنهم التأسيس بالمحل والشغل والاداره والتشغيل
اشتغلنا اول سنه ماكان يطلع لي فائده
وهم ياخذون كل واحد مصاريفه اليوميه من شغل المحل بعدين وقفت انا معهم ودخلت بينهم بالمحل عشان اعرف دخل المحل وصرت اسحب بعض الاحيان منه مصارفي وقت الحاجه جلست معهم شهر وكرهوني بالمحل من كثرة الطلبات وطلعت وخليتهم يستلمون هم كل شي وبعد السنه الثانيه اسألهم وين الفايده يقولون مافيه المبيعات تساوي قيمة المشتريات بدون فائده
قررت قلت خلاص كذا لازم نوقف اذا مافيه فايده كان الاردني دايم يتهم السوري بالسرقه من فلوس المبيعات قررت اني اطلع السوري من المحل عشان اشوف ايش راح يتغير طلعته شهر وبرضوا مافيه فايده
قررت اني اطلع من المحل واشوف مستأجر يستأجره ويشغله بمقابل 15الف تدفع لي كل اخر شهر وعرضته عليهم قال الاردني انا استأجره منك بشرط اكون لوحدي بدون السوري الشريك الثالث وعطيته له واستمر معاي لمدة ثمان اشهر يعطيني الايجار المطلوب منه
وبعده صار يتأخر علي ويقول ماعندي اعطيك وتراكم عليه دين وايجار محل ورواتب عمال وضرايب وقلت له وبعدها اغلق المحل بسبب ان مافيه فلوس يجيب اغراض التشغيل واقفل المحل وعليه دين يساوي 150ااف تقريبًا وعرضته للتقبيل وجاني جاره ودفع لي خلو 250الف واطلع من المحل بأغراضي يبي الموقع
مع العلم اني خسران خساره فادحه تكلفة المحل علي تجاوزت 500الف.!!
السؤال هل السوري له حق علي لاني طلعته وهوكان شريك؟
2.هل اناالاردني له حق علي بعد اغلاق المحل لانه يقول انا مااستفدت شي.?
3.الايجار ورواتب العمال من المسؤول عنها انا والا هو لاني كنت مؤجر عليه ومادفع رواتب عماله ولا ايجار محله مدة 4اشهر
ولادفع فواتير الكهرباء ولا الظرايب؟؟
4.هل لهم نصيب من قيمة بيع المحل؟؟
ابغى ابري ذمتي امام الله واعرف اذا كان لأحد حق علي من العماله اوالشركاء لاني انا المطالب امامهم وكل شي بأسمي عقود الايجار والمحل؟
افدني وجزاك الله خير واعتذر عن الاطاله
