هل يجوز اترك بيت أهلى مع العلم انهم بيأذوني نفسيا و جسديا ومستمرين على ده من طفولتي لمرحله وصلت اني حاولت أذى نفسي كذا مره وكانوا بيعرفوا ومع ذلك مفيش اهتمام بل زاد سوء المعامله والسخرية و الاستهزاء بيا و بأذيتي لنفسي.. معايره دايما بأي خطأ او اخفاق، سوء ظن دائم على عكس معاملتهم لأخواتي، استهانه بمرضي و بمشاعري وكل حاجه و القول فيها اني بمثل مفيش فيا حاجه ..دا غير الاضطرابات النفسية و الانهيارات اللي بقيت بعاني منها ومحدش بيهتم و العيش في خوف وقلق منهم او انهم يضربوني وصل الموضوع لمرحله اني بقيت اخاف اطلب حاجه أو اتناقش معاهم في حاجه.. مبقتش عارفه اساعد نفسي فأي حاجه علاقتي بأصحابي و العالم بره دايما بيحاولوا يهدوها وشايفين كل الناس وحشه في استخفاف بأحلامي وطموحى دايما مفيش مساعده بس تثبيط وعدم دعم في أي حاجه لدرجه اني بدأت ايأس واخاف اني أحقق اللي بحلم بيه و النجاح فحياتي.. كل اللي عايزاه دلوقتي اني انقذ الباقي مني قبل ما ينطفي ومش حمل اهانه او معايره وتدمير نفسيه اكتر من كده .... انا قرأت انه يجوز قبل كده فحال كان دا الوضع فلو سمحت فيدوني
