السّلام عليكم
أول شيء بندوي ع حاجة امأثرة ع نفسيتي هلبا !
وجهي من الأمام حلو الحمدلله، أما بالجنب في كسر كأن من فوق ( من ربي) المهم قريب للأنف الروماني ، أعتقد عرفت كيف شكله ، عموماً الموضوع مضايقني هلبا ، لدرجة نغطي ديما بو حد يقعمز جنبي و قريب ليا ، لأن ما نبيش حد يركّز عليه ، و ديما نحاول ما نخليش حد يشبحلي بالجنب، و كلام ما عمري قلته لحد ، نفسيتي تاعبة جداً ، والله لدرجة نكره نصوّر بالذات م الجنب ، و ما نحبش حد يصورني كله من الشيء هذا ! ، أني ما نبيش ندير عملية و نعصي ربي ، لكن بندير فيلر و معروف الفيلر مؤقت يتجدد كل فترة ، هل نقدر عادي بلا ما ربي يغضب عليا ؟