زوجي شخص عصبي جدا له اكتر من شهر بيعاملني معاملة سيئه جدا بشكل يومي اهانات وتجعير واحيانا قدام اولاده من طليقته وقدام اخواته مش بيراعي وجود اي حد وديما بيقولي انتي مالكيش لزمة اتكلي على اهلك انا مش مصريه ومليش حد في مصر حاولت معه نتفاهم قاللي ده الاسلوب اللي عندي وده اللي هتعيشيه ولو مش عاجبك خودي ورقتك وامشي قلت له مش معايا فلوس قام حولي فلوس وقاللي احجزي وامشي انا طنشت وقلت عنده ظروف في الشغل الخميس كان معزوم لفرح لقى ابنه اخد القميص اللي هو عايز يلبسه هزأني وضربني وقاللي بكرهك وبكره العيشه معاك ونتي ابتلاء ما تروحي عند اهلك مش حولتلك الفلوس خلاص انتي مش محصله شغالة وقبل ما ينزل قالي قابلي اللي هيحصلك هعيشك سواد و هلحسك البلاط قاللي استني لما ارجع من الفرح هكمل.نزلت عند أمه بلغتها عشان هي سمعته وهو بيزعق قالت لي خلاص روحي لأهلك لميت حاجتي ورحت المطار وحجزت طيارة الصبح وبيت في المطار هو بعدها بساعتين بعتلي مسج حقك عليا ولا حاول يتصل ولا يعتذر ولا اي حاجة الا لما رجع بالليل للبيت ما لقانيش قالي انتي سبتي البيت من غير اذني يبقى ورقتك هتحصلك انا كنت مرعوبه ومصدومه من اللي حصل فيا قبل ماطلع الطياره بعتله انا ما سبتش البيت بمزاجي انت طردتني وضربتني وانا معنديش حد ف مصر اروح له انا رايحه عشان اديك فرصه تهدا وتعرف عايز ايه قاللي الست اللي تسيب بيتها ما تلزمنيش اه غلطت بس ما ينفعش تطلعي من البيت قلتله انت قلتلي قابلي اللي هيحصل فيكي وضاربني وطاردني وعايزني استاذنك قاللي انا ياما عملت لك حاجات حلوة ولما حصلت لي ظروف مشيتي قلت له الظروف عليا انا بس انت بتهزأني قدام عيالك و اخواتك و فنفس اللحظه بتهزر معاهم ، وانا مش بنكر الحاجات الحلوه اللي عملتها بس انت اذيتني جامد مينفعش تعمل اللي انت عملته ونا وحده غريبه.قلت له انا عايزه اسلوبك يبقى كويس معايا قاللي مش متاح عندي اي حلو حاليا عشان كده كل واحد يروح لحاله .. قلت له انا مش عايزه طلاق انت اللي كرهتني وطفشتني.من وقتها اسبوعين لا حس ولا خبر مختفي تماما وانا طبعا مش هقدر ابعت له لان نفسيتي تعبانه جدا عايزه اعرف رايك يا شيخ في اللي حصل
