أنا خريجه كليه و بعمل ماجستير واول ما اتخرجت اشتغلت وقدمت علي ماجستير وكان مرتبي يكفي بس المواصلات و كنت صابره لطلب العلم وان باخد خبره في المكان و بشتغل شغل العملي الخاص برسالتي
واستمر علي سنتين و فجأه صاحب العمل قرر يمشيني ولكن قولت خير لان الضغط عليا كتير جدا و كنت بدفع فلوس اكتر ما باخد، فضلت اقدم على شركات كتير وفرص بتتفتح وأنا عند معارف كتير في مجالي فا كإنو بيرشحوني ويوصوا عليا ولكن مره واحده الفرص اللي كانت موجوده اول ما حد يرشحني أو أنا اقدم عليها تتقفل
صبرت وقولت خير بقالي سنه وشويه بدور على شغل وأنا محتاجه جدا الشغل
لكن اللي حصل معايا آخر فتره حسيت ان في حاجه
أنا قدمت على ٣ شركات اتقبلت فيهم اول شركه اتقبلت فيها واستنيت اعرف هبدا شغل امتي قعدوا ٤ شهور حاطني انتظار وبعدين قالولي جابو حد مكانك
تاني مره عندي دكتور في الجامعه وفرلي شغل في شركه لأن حد هيسيب شغله ويسافر فا هروح مكانه وقال جهزي الورق وهتنزلي تدريب وبعدين تشتغلي وتحمست جدا واتبسطت وبعدين مره واحده قالي لم تعد الفرصه متاحه ولم يحسم الأمر
آخر حاجه وهي اللي تعباني نفسيا جدا ومأثره عليا هي أني كنت بدعي كتير جدا في رمضان لا ينتهي إلا واكون اشتغلت فا الحمدلله حالي فرصه يوم ٢٧ رمضان وبعدين وأنا مروحه قالولي اتقبلتي واستني مكالمه من الاتش آر فضلت خايفه راحوا كلموني قالولي حاولي تنجزي ورقك وبعتولي الورق بالتفصيل فضلت بردو خايفه متكملش لأني متعوده علي كده
الاتش آر بلغ بالمرتب بتاعي والورق كله وبالفعل جهزت اول ورق
وافاجئ من يومين أنهم جابو حد تاني واخدوه
أنا نفسيتي تعبانه جدا وكل ما أحط أمل أتوجع حدا و مش عارفه السبب ايه هل ده ابتلائي في الدنيا أم حد يكون أذيني لان أنا مره شيخ قال أن معمول ليا حاجه ولكن أنا بحاول أواظب على سوره البقره و ربنا الحافظ وشكرا جدا
