السلام عليكم ورحمة الله وبركاته،
يا شيخ حصل بيني وبين زوجي موقف وودي أعرف الحكم الشرعي فيه:
كنت مريضة ومتعبة، وزوجي نادى ولدي الصغير وقال له يجي يقولي: “قول لأمك، ولدك راح يجيب لحم، سوي رز سليق أو بخاري”.
جاني ولدي وقال لي الكلام، فقلت له: “قل لأبوك، أنا ما راح أسوي لا رز أبيض ولا بخاري، أنا تعبانة”.
بعدها جاء زوجي عندي المطبخ وقال: “عليّ الحرام لا تسوينه”،
فرديت عليه وقلت له: “والله ما أسويه، أنا تعبانة”.
وقام وقال لي: “عليّ الطلاق لتسوينه” وكان معصب.
فقلت له: “والله ما أسويه، واعمل اللي تبغى”
بعدها بدقايق دخلوا ضيوفه، وراح لهم في المجلس، قهواهم، وحلف عليهم بالعشاء، لكن اعتذروا وقالوا نخليه للربوع الجاي.
دخل علي بعدها وقال: “اللحم لا تقربين له، بوديه لحرمتي الأولى تسويه”.
فعلاً أخذ اللحم في نفس اليوم ووداه عندها وسووا العشاء.
سؤالي: هل وقع الطلاق فعلاً؟ وهل يمينه يدخل في حكم اليمين أو الطلاق المعلق؟
وجزاكم الله خير.
