47554 - صعوبة في بر الوالدين

Question

السلام عليكم ورحمة الله وبركاته
احتاج اعرف هل انا وخواتي على ذنب او لا
 احنا نعاني من قسوة ابوي ومن غضبه الدائم علينا وعدم رضاه علينا مهما سوينا.
يشهد الله اننا بنات مؤدبات ومحترمات ونخاف الله، ونسعى ونتعب ونكاااافح ونترزق في هذي الحياه عشان نحقق احلامنا ونساعد ابوي باللي نقدر عليه ونغير حالنا للافضل.
انا واختي واخوي موظفين وشايلين كل شي عن ابوي من مصاريف الكهرباء ومقاضي البيت ومصاريف خواتي الصغار وحتى مصاريف امي، مايدفع ريال واحد لنا على ان عنده فلوس لكن دايم على لسانه ماعندي فلوس.
كلنا انا وخواتي واخواني اشتغلنا من عمر صغير، انا الان عمري ٢٥ من كنت بعمر ١٨ وانا اشتغل وفتحت بزنس عبايات وشايله نفسي ماكلفت على ابوي، والله ماكان يعطيني ريال واحد ولا نتجرأ نطلبه، وكلنا شايلين نفسنا من الى.
شقينا كلنا من عمر صغير ولا واحد فينا جلس عاله على الثاني وعلى امي وابوي والحمدلله ربي ميسر امورنا، لكن ابوي مستحيل يرضى علينا ومستحيل يحس ويرحم ويشوف هذا الشي فخر ان بناته كفو وسنعات دبرو عمرهم وشلنا عنه، دايم يحطم فينا ويقول لنا انتو فاشلات وصايعات ويسبنا ويقذفنا ويشكك بعلاقتنا مع ربي ويشوفنا مانخاف الله وينكد علينا بكل طلعه ودخله.
رغم اننا كلنا تخرجنا من الثانوي بمعدلات عااااليه وكلنا معنا بكالوريوس وتوظفنا وسنعنا نفسنا وجبنا سيارات بفلوسنا ومحافظين على سمعتنا وكلن يمدح فينا يارب لك الحمد ومب متعبين ابوي ابد، لكن مازال يشوفنا فاشلات وصايعات ومانخاف من ربي وقليلات دين.
يبينا بس بالبيت مانطلع ولا نسوي شي زي حريم زمان المحبوسات المكبوتات من اهاليهم.
يعني على اللي مرينا فيه واللي نسويه انا وخواتي من ابسط حقوقنا نعيش وننبسط ونرفه عن نفسنا، عادي اننا نطلع نقابل صحباتنا او نطلع نتمشى بالسياره وناخذ قهوه او نتعشى في مطعم والله العظيم ويشهد الله ان كل طلعاتنا مافيها اي غلط وجدا محترمات وبحالنا ويكون الهدف من الطلعه اننا ننبسط فقط!
ابوي يخلينا نطلع عادي مو حابسنا لكن مستحيل نطلع من البيت واحنا مبسوطات لازم نطلع واحنا سامعين سب ودعاااااوي وشكوك وتسفيل وحتى لو قلنا بنطلع مع احد يسب اللي بنطلع معهم وجميع انواع الطاقه السلبيه واحيانا نطلع نبكي لين نوصل الوجهه ونسوي نفسنا عادي ماكن صار شي، مستحيل نسمع كلمه حلوه زي الله يوفقك وانتبهي لنفسك يابابا او اذا احتجتي شي علميني او اي كلمه حلوووووه.
صح اننا محجبات حجاب ساتر، وابوي مو عاجبه هذا الشي بس مو معناته احنا فعلا صايعات، ابوي يشوف الشكل مايشوف المضمون، مو واثق في بناته، وبالنهايه هذا شي بين العبد وربه، واحنا كبار وكلن ذنبه على جمبه.
ومن ابسط الاحلام لنا انا وخواتي اننا نسافر برا، عندنا فلوسنا لكن ممنوع بحجة انه عيب وتسافرين مع زوجك فقط، نقول له تعال معنا يرفض موضوع السفر بشكل قاطع، ماندري هو كره او ايش بالضبط!
سوينا كل شي عشان بس يشوف اننا بنات ثقه تعبنا ماقدرنا، البر معه جهااااااااد جهاد، انا عن نفسي تعبت نفسيا ودايم ابكي لكن محد يدري ولا اوضح هذا الشي ابد، واليوم انفجرت وتناقشت معه وبكيت لانه قام يسب ويلعن ويقذف وينكد عشان اختي بتطلع مع صحباتها لمكان حق دعم مشاريع، بدال مايدعم ويحفز بنته اللي بعمر ٢٠ رايحه لمكان كذا وهذا اهتمامها وهي صغيره وتفكير ناجح يقوم يلعن ويسب!
وغير انه يمن علينا انه سكنا في بيت ودرسنا وانا اشوف ماينفع كذا لان هذا واجب عليه، واشيااااااء كثييييييير واللي قلته نقطه من بحر
اللي ابي اعرفه هل لما ندافع عن نفسنا ونتكلم باحترام وبدون قلة ادب معه ناخذ ذنب؟

Answer 1

وعليكم السلام ورحمة الله وبركاته
بسم الله الرحمن الرحيم
الحمد لله رب العالمين، وأفضل الصلاة وأتم التسليم على سيدنا محمد، وعلى آله وصحبه أجمعين، وبعد.
لاحول ولاقوة إلا بالله
أختي الكريمة الفاضلة، هناك أمراض نفسية، وأرى تصرفات والدك جزء من هذا المرض، الذي يحتاج إلى علاج، يحتاج للجلوس مع العلماء الربانيين، يحتاج ليقرأ سيرة سيدنا رسول الله صلى الله عليه وسلم، هذا الطبع القاسي الجلف لا يحبه الله تعالى، خاصة مع البنت، فالنبي صلى الله عليه وسلك كان يكرم بناته، والأولى بوالدك ألا يكفيكن ولا يحيجكن للعمل، وهذا إن اشتغل عليه أقرب القربات، أنصحك بالصبر والتحمل، وإن جلست جلسة مفتوحة مع والدك لتبرزي له الخطأ مع الأدب دون تجاوز فلا بأس، وتضعي شروطا للحوار، أولا عدم غضبك ياوالدي، إن شئت اسمع واقبل أو لا، ولا تعطيني جوابا فقط افسح لي المجال للكلام، لأن الاعتراف صعب على مثل هذه الشخصيات، لكن ياأختي، لا ينبغي أن تسافري مسافر القصر من غير محرم، ليس برا لوالدك فقط، ولكن هكذا شرعنا وديننا، فاضبطي نفسك بضوابط الشريعة، وأحسني لوالدك، فغدا سيكون بحاجتكن.
والله تعالى أعلم.
والحمد لله رب العالمين.