السلام عليكم ورحمة الله وبركاته،
يا شيخ، عندي استفسار بخصوص الاستخارة، وأتمنى توضح لي هل اللي سويته صحيح أو لا:
من زمان كان حلمي أدخل الطب، وكنت دايم أتخيله وحتى حلمت أكثر من مرة إني ألبس اللبس الأبيض. لكن ما تم قبولي فيه، ودخلت تخصص السياحة، وكملت فيه على نية إني أحوّل للطب إذا فتح.
الآن فتح باب التحويل، وانفتح لي “الطب التطبيقي”، لكن لما سألت عنه قالوا لي إن ما فيه وظائف كثيرة، فبدأت أتردد:
هل أتمسك بتخصصي الحالي (السياحة) اللي أنا ماشية فيه ومفتوحة لي أبوابه؟ أو أحاول أحوّل للتخصص اللي كان حلمي (الطب)؟
الأهل والأصحاب، وحتى أمي، كلهم شجعوني أكمل في السياحة، وقالوا إنّه الأنسب لي، وفعلاً حسّيت براحة معهم.
رحت الحرم، وصليت استخارة، وطلعت بعدها مرتاحة لتخصصي الحالي.
لكن من وقت لثاني يرجعني التفكير بأحلامي وطموحي القديم، وأتردد من جديد.
سؤالي:
لو قدمت طلب تحويل وكتبت “الطب التطبيقي” ضمن الرغبات، ثم استخرت وقلت:
“يا رب، إن كان فيه خير لي فسهّله لي، وإن كان شر لي فاصرفه عني ولا يتم قبولي”
هل هذي طريقة صحيحة للاستخارة؟ خصوصًا إن القبول يعتمد على المفاضلة والنسب وما أقدر أتحكم فيه.
جزاكم الله خيرًا ووفقكم.
