عدم الالتزام بوقت العمل

Question

دلوقتي انا شغلي ٩ ساعات منهم نص ساعة استراحة … بس مثلا مش مذكور اوقات الصلاة من النص ساعة ولا برا .. اغل الموظفين معتبرينها برا او كلهم ف انا اعتبرتها كدا معاهم. بس مثلا في موظفين يعدو يصلو السنن كلها و الاذكار كلها و حاجات كتير.. انا مثلا مش منتظمة على السنن ممكن لو صليت سنن اصلي سنة الفجر ف حتى لو حد قالي نصلي السنن بحس يعني انا هصلي عشان اضيع وقت وانا في بيتنا ممكن مصليهاش مع ان مثلا في الحرم دايما بصلي السنن عشان بيكون في تشجيع .. بحسه مدخل من مداخل الشبطان بردو اني مصليهاش .. انا حاسة ان انا عندي وسواس ان فلوسي تبقا مش حلال. شغلي دا دوام كلي يعني لازم اقضي ال ٩ ساعات لو نقصوا يتخصم مني حتى لو هاجى يوم كامل معملش حاجة او يضيع من اليوم وقت مستنية مثلا حد يديني شغل. و عندي بجد وسواس . ف مثلا لو في يوم مش قادرة اشتغل او مفيش شغل امشي قبل ما ٩ ساعات يخلصوا واقول لنفسي يتخصمو منى احسن ما اخدهم حرام. ف زملاء بيقولوا لا لو مفيش شغل كمليهم حتى لو مش بتعملى حاجة عشان ممكن حد يطلب منك حاجة فجاة ولازم تكوني موجودة. وناس كتير بشوفها بتعمل كدا. عارفة ان مفيش حاجة اسمها مش قادرة ولو في شغل لازم اشتغل بس معايا ناس لو مش قادرين بيكملو الوقت عالفاضي و في ناس كمان الحمدلله الذي عافانا بيعدو وقت زيادة وياخدو عليه فلوس و بيقول حرفيا (ابو بلاش كتر منه) انا مش عارفة اعمل ايه. اكيد مش هعمل كدا بس بتكلم في ساعات اليوم ..  ومثلا بيدوني كراسة واقلام وحاجات كدا للشغل بس لو كلمني مثلا حد مكالمة شخصية بكتب فيهم مثلا رقم تليفون او حاجة ملهاش علاقة بالشغل ف انا مش عارفة هل دول ليا عادي اعمل كدا ولا لا ولا غيري مش بيفكر في كل النفاصيل دي. طب شحن موبايلي الشخصي ينفع اشحنه من كهربا الشركة؟  طب نت الشركة لو استعملته استعمال شخصي و هو غير محدود. اصحاب الشركة نفسهم اكيد مش بيعملوا كدا بس بجدانا مش عارفة حدود اي حاجة اعمل ايه. حتى مفيش حد اساله لان صاحب المال انا مش بشوفه ولا اعرفه و في دولة تانية. و المديرين العندي كلهم موظفين عنده.

Answer 1

وعليكم السلام ورحمه الله تعالى وبركاته
 بسم الله الرحمن الرحيم
 الحمد لله رب العالمين، والصلاة والسلام على سيدنا محمد، وعلى آله وأصحابه أجمعين وبعد.
هذا العمل يطلب فيه الاتقان بدون تضييع للأوقات، ومن حقك أخذ وقتك للصلاةمع سننها، وهو حافز لأن تصليها كاملة في العمل وخارج العمل، وأما النت فهو للشركة وممكن أن يستعمل للغرض الخاص بقدر معيم، وهو عدم تضييع العمل المطلوب منك، أي يستعمل الشبكة، لضرورة، أو في وقت ليس فيه عمل، وأن يستخدم الكهرباء بإذن رب العمل، إذا كان لغرض خاص، وأن يعمل كل إنسان بضمير حي، كأنه يعمل في شركته الخاصة.
وحديث رسولنا الكريم أصل في ذلك
(إن الله يحب إذا عمل أحدكم عملا أن يتقنه) أخرجه الطبراني.
والله تعالى أعلم.
والحمد لله رب العالمين.