السلام عليكم
توفى ابي من ٩ سنوات وترك لنا ورث وعددنا اربع بنات واثنين ذكور وامي
امي تستلم الورث وتقول انها تصرف مصاريف للبيت
ف عدينا سنين طويله واحنا ساكتين
توفى جدي واحنا كتبنا في الوصيه
عندي سؤالين
السؤال الأول تم ذكرنا في الوصيه انا واخواتي واخواني بالأسماء ونهاية الوصيه نستلم الي كان يستلمه ابوي لو كان عايش
وبحثنا وشفنا توزيع الوصيه يكون بالتساوي بين الذكور والإناث وكنا متفقين على ذا الشيء ومتفاهمين بس اخوي الكبير طمع بعدها وقال الوصيه نفس الورث للذكر مثل حظ الأنثيين للعلم امي مو معانا بالوصيه عشان تتقسم نفس الورث بس احنا البنات والأولاد ف كيف التقسيم؟
السؤال الثاني
امي حارمتنا من ورثنا من سنوات وما تعطينا حتى العشره ريال وما تقضي للبيت ولما نقولها وين فلوسنا تقول تروح مصاريف مويا وكهرباء
مع العلم امي معطيه واحد تعرفت عليه مبلغ كبير من ورثنا وورثها تحسب ان مافي احد يعرف بس انا عرفت وقلت لخواتي ومانبي تصير مشاكل ف ايش الحل
هي مخبيه ورثها واخوي الكبير مخبي حقه وحق اخوي الصغير واحنا الاربع بنات فلوسنا اخذت منها تعطيها الي متعرفه عليه وتصرف منها على كيفها كل اسبوع تسافر المدينه وكل يومين تطلع ومواصلات وصرفيات كلها من فلوسنا واحنا ما نحصل الأكل في البيت
وكل ما نطالبها تقول فلوسكم تروح مويا وكهرباء وللبيت مع اننا مو شايفين شيء فالمطبخ للأسف
مانبي نعلم اعمامي وتزيد المشكله ومابي اعلم اخوها وافضحها لإنها للأسف ترتكب ذنب عظيم مع الشخص الي متعرفه عليه وتعطيه من ورثنا ومن ورثها؟
اشترى سياره وتشحن له نت وكل فتره يطلب منها مبالغ
وللأسف تجيبه للبيت وما خافت على بناتها البكور
وانا واجهتها بالي جاء للبيت وانكرت بعدين قالت بيننا شغل
هو نفس الشخص الي تعطيه فلوس
وانا كل ما أطالبها بفلوسنا تصير مشاكل بيني وبينها وتسبني وتلعني ف حل هذا يعتبر عقوق مني لإني اطالب بورثي الي قاعد ينصرف على ابن الشوارع واحنا محرومه منه؟
ياليت تفتيني في امري
