ماذا افعل في الحزن واليأس؟ بقالي فترة حاجات كتير مش بتكمل في حياتي زي مثلا مشروع خطبة رفضت الخاطب لانه غير مناسب و كنت في حالة نفسية سيئة عندما عرضوه عليا فضلت ابكي اسبوع و لم استطع التركيز في اي شيء او انام او اركز حتى في الصلاة حتى رفضته وارتحت ، بعدها بكام شهر شغلي وقف بدون سابق انذار فجأة مديري قالي انتى محتاجة تشوفي شغل تاني ، عملت كزا انترفيو و مكملتش مع ان مجرد حصولى على انترفيو يعني في امل .بس مع كل رفض حاجة جوايا بتتكسر، هل دا ذنب الشاب ال رفضته لانه كان بيحبنى؟ او اي ذنوب في حياتى؟ ام ابتلاء وعليا الصبر؟ و دخلت مسابقة وخسرتها .. المشكلة انه هذا اليأس الذي يصيبني مع كل موقف ادي لفتور في العبادات .. توقفت عن قيام الليل ، اصبح يفوتني الكثير من الفروض اجاهد لأداء الصلاة اجاهد حرفيا وصعبة .. حفظ القران قالت لي محفظتي انتى كنتي بتسمعى بالجزء و دلوقتي مش عارفة تسمعى صفحة.. اعمل ايه ؟ حواليا حساد وانا متيقنة من دا و اخدت من اثر بعضهم واغتسلت و اغتسلت بالسدر ، رقيت نفسي كتير ، قريت سورة البقرة ولكن الحزن متملكنى خاصة خاصة بعد خسارة المسابقة وعدم التوفيق حتى الآن في عمل و اهمالي للصلاة .. كنت شايلة هم قضاء ما فاتني قديما.. اصبحت ازيد عليه . انا بكمل سعي بس بالعافية . والقران بحاول احفظ بس مش عارفة ارجع زي الاول والصلاة الصلاة . اسألكم النصيحة والدعاء و الحل لليأس . ايماني لم يعد قوى كالسابق الكثير من العبادات توقفت عنها . اشعر اني منافقة او سيئة لاني ابتعد في فترة حزني او عدم تقبلي لما يحدث رغم الرضا والتفاؤل والله بس موقف ورا موقف ورا موقف تعبت. وايضا المشكلة ان حياتي من سنة او سنتين كانت افضل بكتير . اعلم انه خير لكن اهمالي للصلاة مش خير ، ولو مش بتوفق في القران بعرف ان في مشكلة . هل في حل؟
