ما هي كيفية التصرف مع أختي المسرفة على نفسها ؟

Question

السلام عليكم ،،
عندي اخت اكبر مني وعندها ٣ اولاد حصلت مشاكل بينها وبين زوجها في فتره من الزمن بعدها زوجها تزوج عليها وهي قعدت في بيت والدها سنه او اكتر وبعد كده رجعت بيت زوجها و قبلت وضع زواج زوجها التاني وبعد فتره طلبت الطلاق من زوجها لكنه رفض وتركته مع زوجته التانيه وراحت تعيش في شقه مع اولادها في بيت ابوها وخلعت زوجها والان تعيش في نفس الشقه في بيت والدها مع بنتها فقط لانها خلت ابنها يروح يعيش مع باباه عشان هي مش قادره عليه والولد مش بيسمع كلامها والولد التاني في كليته،،البنت شافت حاجات علي تلفون امها شككها فيها ف البنت راقبت تصرافاتها ومكالماتها وتلفونها واكتشفت انها بتكلم رجاله كتير وداخله في قصص وعلاقات مع شبان كتير وشافت صور لامها بقمصان نوم بعتاها لواحد من الرجاله دي وشافت كلام كتير بينها وبين رجاله من دول اخري مع العلم ان الام عامله وفي منصب مرموق ومن عائله محترمه وعائله متدينه ،،البنت معرفتش تعمل ايه راحت قالتلي انا خالتها وانا اتصدمت في اختي ومش عارفه اعمل ايه معاها ولا اقول ايه لبنتها انا خايفه انها تقع في معصيه كبيره وخايفه علي بيتنا وعيلتنا وسمعتنا وعيالها ،،اعمل ايه واتصرف ازاي هل اقولها واواجهها باللي بتعمله ولا اقول لاخوانها الرجال ولا اقول لابويا وامي ولا اقولها انا لعلها تتعظ وتراجع نفسها في اللي بتعمله ولا اخلي بنتها هي اللي تواجهها انا مش عارفه اتصرف

Answer 1

وعليكم السلام ورحمة الله وبركاته
 الحمد لله والصلاة والسلام على سيدنا محمد وعلى آله وأصحابه أجمعين وبعد أختي الكريمة: الذي ننصح به أن تجلسي انت معها ، وتنصحيها،  وتخوفيها من الله ومن عقابه، ومن الفضيحة وعواقبها ونتائجها المريرة ، وأنها إن استمرت ستدمر نفسها وتؤذي ابنتها وتكون السبب في دمار مستقبل ابنتها، وما يلحق العائلة كاملة من تشويه السمعة وشماتة العدا.
كل ذلك بلطف وتروي دون تعنيف،
 أخبريها ان لا تغتر أن الله سترها إلى الآن فهي ان استمرت فسيكشف الله سترها .
وانصحيها بالزواج إن جاءها خاطب.
واكثري من الدعاء لها انت وابنتها بالهداية ، ولا حول ولا قوة الا بالله العلي العظيم.