السلام عليكم ورحمه الله
انا عندي ١٨ سنه بقالي تلت شهور في حزن وقلق وجلد ذات فظيع حياتي واقفه بسبب ذنوبي في الماضي انا كنت بعمل ذنوب اللسان من بهتان ع الناس واغتياب وقذف ونقل كلام كذب بين الناس بس كل دة بدون علم الناس اللي عملت فيهم كدة انا عملت كل الذنوب دي ومش قادرة اسامح نفسي عليها وحياتي متوقفه بسبب الشعور بالذنب ومش عارفة امارس العبادة حتي ولا اصلي زي الاول حتي جسمي ضعف ووزني نزل جدا وبقيت تعبانه طول الوقت من الحزن انا كنت بصلي قيام الليل وليا ورد في القرأن بعد كل صلاة وع طول بصلي صلاه حاجة وصلاه استفتاح وبطلع صدقات يعني كانت علاقتي كويسه اوي مع ربنا وكنت في راحة نفسيه من تلت شهور بدأت اسمع عن ذنوب اللسان وانتبهت ليها وافتكرت كل ذنوبي اللي فاتت حتي من زمان وانا عايشه في حزن مأثر ع حياتي ومش بطلع من البيت بقالي كتير جدا بسبب الاكتئاب حتي الصلاه بصلي الفرض بالعافيه مبقتش اقدر اصلي سنن زي زمان اعمل اي والناس دي كلها هتقتص مني يوم القيامه وهتاخد حسناتي كلها والناس قفلتها في وشي وبيقولولي لازم تتحللي منهم اتحلل منهم ازاي واقولهم ازاي اني كنت بقول عليهم كدة هيحصل مشاكل كبيرة اعمل اي انا حزينه جدا بجد وقفلت في وشي من كل مكان ومش عايشه حياتي بشكل طبيعي الحزن اثر ع جسمي ووزني نزل كتير ووشعري بيقع من الزعل وتأنبيت الضمير
