التوبة عن الغيبة

Question

انا عندي 18 سنة كنت بتلكم في اعراض ناس كتير جدا وبقول ع بنات أنهم بيكلموا شباب وواحدة قريبتي متزوجة كانت متهمة في عيلتنا ومن زوجها أنها بتكلم راجل وانا ساعتها كان عندي ١٧ سنة كدة وقولت لصحبتي ع الموضوع دة وبعدين حسيت بالذنب وقولت لصحبتي اني كنت بكذب وانها معملتش كدة وقعدت اتكلم عليها كويس معاها وادعليلها وكان فيه واحدة صحبتي كانت بتنزل بوستات ع الفيس بوك عن الاربتاط يعني بتوحي انهاا ع علاقه بشاب فأنا كنت بتلكم مع وحدة صحبتنا احنا الاتنين وهي عندها وبتشوف البوستات دي قولتها دي بقت غريبه كدة وضحكت وقالتي اة فهماكي وبعدين قفلنا الكلام بس انا بقال شهور حاسة بالذنب وتأنيب ضمير هيقتلني بجد مش عارفة اعمل اي واتوب ازاي انا مش
 قادرة اكلم الناس دي كلها اقولهم سامحوني انا خايفه ومكسوفه منهم ومش عايزة علاقتنا تبوظ اعمل اي وهل دة قذف محصنات انا متهمتهومش بالزنا والله بس أنهم بيكلموا شباب اتوب ازاي لربنا انا تعبت وحياتي واقفه من الشعور بالذنب

Comments

حبذا سيدي ترغيبها بالتوبة  أن الله غفور رحيم والدعاء لمن اغتابتها إن لم تستطع طلب المسامحة منها

---

طيب دي كدة غيبه ولا قذف محصنات انا مش عارفة يعني اي قذف محصنات غير من يومين بس سمعت عنه وعرفت أنه من الكبائر انا خايفه اكون وقعت في الكبائر بجهلي دة  اعمل اي واتوب ازاي

---

طيب دة كدة غيبه ولا قذف انا والله مكنتش اعرف يعني اي قذف محصنات دي اصلا وعرفت معناها من فترة قريبه وبدأت اراجع شريط حياتي وهموت بجد وخايفه اكون وقعت في الكبائر بجهلي وهل لازم استسمحهم لو هما ميعرفوش أن قولت كدة عشان انا مش عارفة اقولهم ازاي اصلا وخايفه اخسرهم

Answer 1

وعليكم السلام ورحمة الله تعالى وبركاته
بسم الله والحمد لله والصلاة والسلام على سيدنا رسول الله وعلى آله وصحبه ومن والاه، أما بعد.
أختي الكريمة، لايجوز التكلم بأعراض الناس، إن كان حقا يفعلون ذلك أو لايفعلون،
فإن كانوا يفعلون ذلك حقا، فعلينا أن ننصح، ولانتكلم، لأن الكلام بهذه الطريقة يؤدي لنشر الفاحشة أكثر، وذلك محرم،
فإذا تكلمت لابد أن يكون كلامك يؤدي غرضاً، وليس لمجرد الكلام، فإنه يحصد الذنوب والإثم لك.
وهو من الغيبة،عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : " أَتَدْرُونَ مَا الْغِيبَةُ ؟ " قَالُوا : اللَّهُ وَرَسُولُهُ أَعْلَمُ. قَالَ : " ذِكْرُكَ أَخَاكَ بِمَا يَكْرَهُ ". قِيلَ : أَفَرَأَيْتَ إِنْ كَانَ فِي أَخِي مَا أَقُولُ ؟ قَالَ : " إِنْ كَانَ فِيهِ مَا تَقُولُ فَقَدِ اغْتَبْتَهُ، وَإِنْ لَمْ يَكُنْ فِيهِ فَقَدْ بَهَتَّهُ ".أخرجه مسلم.
والحمد لله رب العالمين.