انا عندى وسواس تقريبا مش عارفة بالذات فى الطلاق وساعات بيجيلى تخيلات ان جوزى مثلا زمان كنت بخليه يروح يسئل الشيوخ عن كنايات الطلاق او وساوس الكفر فى مرة رجع مكشر وده بسبب ان الشيخ قاله ان اللى بتسئل فيه تفاهات فانا خدت (تكشيرته) دى بمعنى أنه بيهزر وعاوز يخلينى افهم ان الطلاق وقع مثلا زى ما اى واحد مثلا بيجيب نتيجته ويجى يكشر فالتانى يفتكر انه سقط وبعدين يقول الأول انه نجح
ولما سئلت جوزى قصدك ايه من التكشيرة قالى قصدى انك مكبرة الموضوع بهزر معاكى يعنى فلما سئلته بتهزر ازاى الطلاق مفيهوش هزار قالى لا دعابة عادية انك متخيلة الامر كبير وهو صغير مش قصدى اخليكى تتوقعى ان الشيخ قال وقع الطلاق
وانا قريت كتير عن حكم الطلاق بالإشارة وطلاق الكذاب والامور دخلت فى بعض عمالة اقول لنفسى ما يمكن التكشيرة دى نوع من انواع طلاق الاشارة او تكشيرته دى تعتبر كذب ومش بقيت عارفة ايه حكم كل ده وحكم الافكار دى وساعات بقول يمكن هو كشر ومش فاكر نيته فايه الحكم كده
