دكتورنا انا خطبت من سنة عالضبط بالشهر الثاني السنة الماضية .
بالشهر السادس كتبنا الكتاب .
على امل انو بالشهر التاسع السنة الماضية نتزوج .
بعد كتب الكتاب بديت تنشأ بعض المشاكل بيناتنا .
حاولت جاهد انو اسيطر عالمشاكل او اوصل لحلول مع الاسف بدون جدوى .
كان ببعض الاحيان أهل خطيبتي يقولو اذا ما تفاهمتو خلص تركو حدث هالموضوع بالثلاث او اربع اشهر الاخيرة ثلاث مرات عالأقل طبعا نحن كنا كاتبين الكتاب .
حتى لاخر مشكلة اللي هية مشكلة العرس ما قدرنا نوصل لنتيجة .
ظروف كورونا والقوانين بألمانيا ما كانت بتسمح نعمل عرس واصرو انو بدهون عرس .
بديت المشكلة تكبر من اسبوعين عالضبط ما توصلنا لحل .
فقالو انو تعال خود غراضك وكل واحد يروح بحال سبيلو .
فات احد الاشخاص بمحضر صلحة بس كمان ما توصلنا لبعض .
قلتلون خلص انا ما عاد بدي هلأ افضل من بعدين لانو صرت اشوف المشاكل بديت تكبر وبعد الزواج رح تكون كارثية اكبر .
طلبت انو نترك .
رجعو فاتو اشخاص كتير بموضوع الصلحة ولكن انا ما بقا اقدر اكفي اصريت عالرفض طبعا متل ما ذكرت هنن مرارا وتكرارا اعادو فكرة انو يجي ياخد اغراضو وخلي يترك ولكن لما انا قررت اترك صار بدهم ارجع .
لحتى وصلنا انو خلص لازم نقعد ونحكي بموضوع الحقوق والواجبات .
نحن كاتبين مقدم ٥٠٠٠ يورو
مأخر ٥٠٠٠ يورو
غير مقبوضين .
دهب بقيمة حوالي الخمس الاف يورو مقبوض .
كسوة "ملابس "بقيمة ٥٠٠٠ يورو ايضا مقبوضة .
فأنا دفعت حق الدهب .
ودفعت ٥٠٠٠ يورو حق ملابس وتم شراء ملابس هية متواجدة عند خطيبتي .
في هدايا انشرت بقيمة ال ٢٥٠٠ يورو ايضا .
