السلام عليكم عندي استفسار فيني حسد واحس بضيقه ويجيني كأنه احد يختقني بحلقي ويجيني كأنه احد ضاغط على صدري بالوسط كأنه حجر مدري شلون مع ضيقه وانعزل كثيررر واعصب كثير وما اتحمل شيء من احد ويجي بجسدي كدمات بنفسجي واكثر شيء اخضر وغير النفور اللي يجيني من الناس واشياء لا يعلمها إلا الله
وانا كنت ملتزمه بصلاتي واصليها بوقتها وبحب وبشوق والحين اتأخر الصلاة واحاول ارجع اصليها بوقتها احط منبه وانوي إني اقوم لصلاة بس ما اقوم للأسف الشديد ، انا اراجع بالعيادة النفسية وقالو لي أنتِ فيج قلق واكتئاب وعطوني حبوب واستمريت فيهم فتره وتركتهم لإن يسببون لي ثقل وخمول وما اقوم لصلاة بوقتها ف تركت الحبوب بس للحين اعاني من تأخير الصلاة وتجيني ضيقه وابكي لإني اتأخر الصلاة بس والله نومي ثقيل وما اقوم وقبل كان نومي خفيف وفيه شيخ شخصني وقال أنتِ فيج حسد مافيج نفسية بس انا ابي ارجع اصلي الصلاة بوقتها لكن كل مره اتاخر فرض من فروض الصلاة تعبت من هذا الشيء ، الحين حتى يالله اصلي الصلاة كأني اتغصب اصليها وقبل ما شاء الله اصليها بوقتها وبحب وبشوق و انا كنت اروح لحلقات تحفيظ قران وبعدين صارت تجيني ضيقه أنه مابي اروح والحين حتى ما احفظ قران ما اكمل مع البنات وما اسمع لمعلمتي نفس قبل ، ساعدوني بهذا الشيء وبموضوع الصلاة لإن الصلاة جداً تهمني ، الله المستعان
