الحلم عباره عن انا دوم اكون راقده عالفراش وايني شي يخص ( بو حرفينن جن ) دوم كنت جي احلم بس هالمره نشيت ونا مفزوعه نشيت والحلم فيه كل شي .. تقريبا الحلم كل يوم او يومين ينعاد وبنفس الوقت تقريبا ساعه اربع ونص الفجر ..
اول شي كان نفس الوضع بعدين حاولت انش ماقدرت كانه الحلم يقولي تريي في شي بيستوي وفجاه فالحلم كنت ابا اصارخ وحد ماسك بلعومي ما يخليني اصارخ وعقب فجاه عادييي قدرت اصارخ ف تميت اصارخ دش علي الغرفه ابوي ويوم شافني حط ايده ع قلبه عقب عطول امي دشت وشافتني قتلها امي هي موجوده هي موجوده هني انا شفتها وتميت اصارخ واصيح فجاه الي ( الي بو حرفين الجن ) طلعت واقول حق امي هاذي هني والله امي اشوفها والويه كان بهئيه حرمه كبيره وشعرها اسود قصير وملامح الويه كبيره بس مافهمتتتت وبس هني نشيت بسرعه وقلبي يدق ويوم نشيت راسي كان وايد ثقيل واحس جنه حد يالس ع راسي واحس في شي مب طبيعي وعقب رديت رقدت مره ثانيه ونشيت اليوم الثاني الصبح ودشيت الحمام وانتو بكرامه وشفت الحمام كله نمل نمل والله نمل بشكل فضيع انا انصدمت يعني ما توقعت بديت افكر ان شو تفسير الحلم ؟ هل انا حد مسوي لي عمل؟ هل انا محسوده ولا عين ولا سحر ولا شو
