السلام عليكم يا شيخ، عايزة أسأل عن فتوى لو في شخص اتخطبتله من 2019 وجبنا عشاء يجي بـ ألفين جنيه و فستان الخطوبة عليا وجاب شبكة بـ 15 ألف وبعدها سابني بعد أربع شهور من غير سبب، ويقول تراكمات. وقالتله طب تعالى خد دهبك، قاللي لا مش جاي، وقولتله طب بلغ اهلى انك هتفسخ قالى بلغيهم انتى وبعدها عمه اتصل بيقول اجي أخد الدهب، قولتله الشخص اللي دخل بيتنا اللى هو الخاطب هو اللي يجي ياخده، فما جاش الخاطب
دلوقتي لاقيه باعتلي حاليا رسالة بعد ٦ سنين إنه بيدعي عليا بقاله أربع سنين قدام الكعبة أسبوعيًا عشان أخدت حقه، وقاللي هفضل أعمل كده لو مرجعتيش حقي. قولتله تعالى خد حاجاتك بنفسك من سكات، ومش فارقة معايا الدعاوي عشان أنت مبتركعهاش غير في الكعبة، وقولتله مش مسامحه على نيتك اللى انت عارفها و انت داخل بيتى ( التجاوزات اللى كان بيجرنى ليها )وربنا شاهد عليا. معنديش مشكلة أرجع الدهب، وربنا شاهد عليا، كنت بقولهم لما أموت ابقوا رجعوا الدهب ليه.
هل الدعوات اللي بيدعيها بتستجاب؟ أنا حالي واقف، وبقابل عرسان مش كويسة، وعندي مرض القولون التقرحي، وهل الشبكة من حق الخاطبة ك عادات وعرف بلد عشان هو اللى سايبنى وعشان لو كان اخد واحدة تانية كانت عملت زيى بالظبط وخدت الشبكة عشان عادات بلد
1. هل الشبكة من حق الخاطب شرعًا إذا كان هو من فسخ الخطوبة دون سبب ظاهر؟
2. وهل الدعاء عليَّ طوال هذه السنوات عند الكعبة بسبب هذا الأمر يُستجاب إذا كنت مستعدة لرد الشبكة ولم أمتنع عن ذلك؟
