السلام عليكم ، جاري جمبي يبني بيته ساحب سلك من الكهرب له الان 11 شهر ، اول مره قال ابغى اسدد الكهرب استحيت منه وقلت ماراح تدفع ريال ، وصارت مشكله في الكهرب عندي بعد 8 شهور وسحبت السلك وبلغته ان الكهرب عندي تضرر رجع قال برجع السلك بس 15 يوم واسدد الفاتوره اللي بتصدر ، طبعا الان له شهر ونص ماسحب السلك ( السلك في الاول ساحبه من كيبل الشقه والان لما قال اسدد الفاتوره ساحبه من كيبل محلات تجاريه حقتي اسفل العماره )
قال اسدد الفاتوره حقت المحلات ووافقت صدرت الفاتوره 1200 ريال وبلغته وارسل الفلوس على حسابي ولما جيت اسدد طلع كفيل العمال اللي يشتغلون في المحلات اللي عقد الايجار باسمه سدد الفاتوره ، الان الفلوس عندي ال 1200 هل استخدمها ام تعتبر حرام وابلغ اللي سحب السلك بالموضوع
