السلام عليكم انا عندي سؤال معين
و هو ما حكم التداول بالذهب و غيره كمضاربة
بحثت كتير عن الموضوع و كل اسباب التحريم فعليا غير موجودة بالتداول و بالمضاربة الحقيقي
يقولون بسبب وجود الرافعة المالية و الهامش و انه قرض جر منفعة بس الواقع انه الرافعة المالية ليست ب قرض اصلا لانه تعريف القرض انه مبلغ من المال باخده من شخص و بكون حرة التصرف بهذا المبلغ و برجعه بموعد محدد بينا و هذا يختلف عن الرافعة المالية كليا لانه الرافعة المالية عبارة عن اداة مالية بتمنحها شركة الواسطة للمتداول و الهدف منها زيادة قوة رأس مال المتداول ف المتداول فعليا بربح على رأس ماله و بخسر من رأس ماله بكل بساطة و ما بجر منفعة لانه ما في ربا اصلا لانه كل يلي بتاخذه شركة الوساطة من المتداول هو ما يسمى بالسبريد و بتاخد اول ما الصفقة تنفتح سواء بيع او شراء و بتاخد من راس مال المتداول لانه حق ل الشركة اصلا بناءا على الخدمة يلي قدمتها للمتداول و هي ربطه بالسوق المالي العالمي الفعلي و لو افترضنا انه الرافعة المالية ١:١ كمان راح يتاخد السبريد
ف الرافعة المالية ليست قرض و ما عليها ربا
و بالنسبة للتقابض ف هو بحصل فعليا عند اغلاق الصفقة مباشرة يا اما ربحي بنزل بحسابي يا اما خسارتي بتتاخد منه بكل بساطة
و بالنسبة ل تبييت الصفقات ف بكل بساطة المتداول بقدر ما يفوت فيها و يغلق كل صفقاته قبل ما يسكر و يفتح السوق او في بروكرات ما بتاخد عمولة على التبييت بالتالي ما في ربا اصلا
و بالنسبة ل يلي بحكوا انه التداول و المضاربة بكون بعدم امتلاك الاصل فعلا
ف هاد الكلام صحيح و هو المطلوب لانه اصلا التداول بكل بساطة هو عبارة عن تحليل و دراسة تحركات الاسعار سواء سعر الذهب الفضة للمؤشرات ازواج العملات و غيرها
ف المتداول بفوت صفقة شراء ( او بالاحرى تحمل اسم شراء ) دلالة على انه يتوقع تبعا ل الدراسة و التحليل ( ف مش قمار او مراهنة ) انه السعر راح يرتفع و العكس صحيح مع البيع
ف وين الحرام بالموضوع ؟
بهيك حالة مع بروكر موثوق و منصة موثوقة مثل mt5
اعتذر على الاطالة
و شكرا جزيلا
