السلام عليكم ورحمه الله وبركاته ابدأ حديثي بأني عندي 19 سنه كنت في غفله عن ديني وكنت بصلي ولكن مش بانتظام بس كنت بحاول حصل الزلازل في شهر مايو وانا حسيت بيه وكنت في حاله هلع فظيعه لأني مش منتظمه في الصلاه ف خوفت من الموت ف حسيت انها علامه من الله عز وجل للتوبه والرجوع ليه من بدايه هذا اليوم وحياتي اتغيرت والحمدلله انتظمت في الصلاه وقراءة الاذكار وبحاول اقرب من ربنا اكتر واستشعر وجوده
ولكن فجأه مع الاحداث الاخيره خوفت جدا من الموت تاني وبعدين طمنت نفسي اني تركت ذنوب خلوات وانتظمت في الصلاه واقتربت من ربنا سبحانه وتعالى ولكن مع الشعور بالخوف من الموت يأتيني شعور لاول مره يراوضني هو الشك في وجود الله وهل الاسلام الدين الحق
ف الأفكار في دماغي بتقولي لو موتي دلوقتي واكتشتفي أننا غلط هتعملي ايه
فكره وجود ربنا انا مؤمنه بيها لأن انا بدعي وربنا الحمدلله بيستجيب ف بستشعر أنه سامعني
لكن الشك في الدين يزداد استغفر الله لدرجه ان الأفكار تحاول أن تمنعي من الصلاه زي انتي بتصلي وانتي مش متأكده أن ده الدين الصح ازاي ولكن رغم ذلك الحمدلله بصلي ومش بستسلم لأفكاري اللي بتزداد جدا عند الخوف من الموت وعذاب القبر
سؤالي هنا
•هل الأفكار دي غلط اني افكر فيها وربنا زعلان مني أو هيحاسبني عليها؟
•هل ده الشيطان بيحاول يرجعني للضلال تاني لاني لما كنت مبصليش مكنتش بحس أن ممكن يطلع الاسلام استغفر الله غلط كنت بحس أننا صح وربنا هيغفرلي اني مش بصلي كنت في غفله شديده لكن لما رجعت اصلي ابتدت تراودني الأفكار دي!
•لو الأفكار دي من الشيطان فعلا ازاي احاربه واتغلب عليها واوصل لمرحله اني اكون متأكده أن هذا الشيطان ف لا أبالي ل كلامه ؟
•هل هذه الأفكار تدل علي ضغف ايماني؟
اعتذر عن الاطاله جزاكم الله كل خير
