46304 - هل يستجاب دعاء امي علي ؟

Question

انا ولد غير مدخن ولله الحمد ، وامي على قيد الحياه الحمدلله وامي ليست من النوع الذي يدعي دائما على اولاده ، دايما تدعي لنا الحمدلله لي ولاخواني وخواتي  ، قبل شهرين جربت ادخن مثل اي شاب وهذا خطا كبير ارتكبته ، وامي اكتشفت ذلك ، ف انا ارتبكت وخفت ف قلت لامي ادعي علي ( عشان ترضى فقط وتصدقني لاني كنت خايف وقتها ) قلت ادعي ان الله مايوفقني وصدقيني ماني راجع للدخان ، دعت امي قالت بدعي عشان ماترجع له ، بعد شهرين امس جربت ادخن بسبب ضغط نفسي واجهته وندمت ندددم شديد اني دخنت لاني خفت دعوه امي تُستجاب ، وش المفروض اسوي الان مع العلم والله ماني مُدخن ولاحب الدخان لكن الشيطان اعوذ بالله ، انا شخص ما ادخن ابدا ولاحبه ، بس تجربه ، ف بديت اوسوس اقول اخاف الله مايوفقني + مع العلم والملاحظه امي توسوس وتفكر كثير وتقلق كثيير وفيها تعب نفسي ، هل ابلغ امي اني رجعت دخنت وابيك تسامحيني ي امي؟ او اتوب لله واعامل امي معامله حسنه وابر فيها ويكفي ذلك ؟ جاوبني يشيخ لاني اخاف اعلمها وتبدا تفكر وماتثق فيني وتقلق لانها من النوع الي يفكر ويخلف ويقلق + امس جلست معها بس ماعلمتها اني دخنت ( دخنت زقاره وحده بس تجربه وانا ماحب الدخان ولاني مدخن ) ف جلست معها وقلت ي امي ادعي ان الله يوفقني ف دعت لي ، هل هذا يكفي عن الاعتذار منها لان مابي اعلمها ابداً + تركت الدخان والاشياء ذي رسميا بعد الموقف ذا لاني ادركت مدى الخطوره الي سويتها ، اتمنى ي شيخ تجاوبني عشان ارتاح نفسيا لان ضميري مأنبني

Answer 1

وعليكم السلام ورحمة الله وبركاته
بسم الله الرحمن الرحيم
الحمد لله رب العالمين، وأفضل الصلاة وأتم التسليم على سيدنا محمد، وعلى آله وصحبه أجمعين، وبعد.
كن صادقا مع الله، ومع نفسك ومع والدتك، ولا تطلب من أحد أن يدعو عليه أبدا، ولو كان لأي سبب من الأسباب، فهذا مما قد يستجاب، ولا يطلب من الله تعالى إلا ما هو خير وفلاح للعبد، والأفضل والأولى أن تترك الدخان، وأن تعاهد الله أن لا تدخن، وأن تكون صادقا، وتطلب من والدتك أن تدعو لك بالتوفيق.
والله تعالى أعلم.
والحمد لله رب العالمين.