سلام عليكم يا شيخ
لو سمحت في شغل تسويق اونلاين عايزة اعرف فيه حرمانية ولا لا
الشغل عبارة عن شركة بريطانية ليها ابلكيشن أو لينك خاص بيها بسجل برقم موبايلي وبيكون ليا حساب الشغل عبارة عن ان بينزلي خمس ڤيديوهات في اليوم بتفرج علي الفيديو ٨ ثواني ينزلي عليه عمولة ١١ جنيه وبسحب الفلوس لمحفظتي الشخصية
محتوي الفيديوهات كلها إعلانات من جميع الجنسيات سواء أدوات منزلية إلكترونية أو أماكن شركات وهكذا
يعني الشركة وسيط بيني وبين اصحاب الإعلانات دي
اللي هما بيستفيدوه ان بيزودوا نسبة المشاهدة علي فيديوهاتهم عشان تتروج اكتر وبالتالي تزيد مبيعاتهم ويزيد عدد الناس اللي توصلهم الإعلانات
بس بيكون في شرط ان بدفع وديعة ١٦٥٠ بيكون اسمها وديعة ضمان عمل عشان يتأكدو اني هعمل شغلي كل يوم والوديعة دي بتكون زي ضمان لمدة سنة لو أنا منتظمة في شغلي بيرجعولي وديعتي ١٦٥٠ زي ما هي من غير أي زيادة أو نقص منها
ولو كنت عايزة أستقيل في أي وقت قبل السنة بطلب أستقيل وبيرجعولي وديعتي زي ما هي بردو
وكمان لما بضيف موظفين جدد بينزلي عليهم مكافأة
أنا جربت بقالي اكتر من شهر بشتغل فيها والدنيا تمام الحمد لله
وطبعا مابدأتش شغل غير لما حد جاب فتوي أن الشغل حلال مادام محتوي الإعلانات مباح وان الوديعة لو طلبت استرجعها في أي وقت ترجعلي
ولكن خايفة بردو ان يكون فلوسها فيها حرمانية وما زلت بسأل وعايزة اتأكد منها
أرجو الرد وبعتذر علي الاطالة
وجزاك الله خيرا
وكمان الشركة فيها اوبشن ان ممكن اطلب اعمل دعوة عشاء عشان اعرف الناس علي الشركة وطبيعة الشغل
والشركة بتدفع تكاليف العشاء
وكمان اوبشن ان أوزع شنط خيرية بأسم الشركة
