السلام عليكم ورحمة الله وبركاته .
اختي مطلقه وعايشه عند اهلي وهي سليطة لسان وقاسية قلب ، هي تكره جميع افراد عائلتنا من بيت عمي و من بيت جدي وتكرهنا ايضًا انا واخي ، قاطعتنا انا واخي وكل ما حاولت ابادر واصالحها تدور سبب عشان تزعل وتقاطع .
والان اصبحت تؤثر على امي وابي وجعلت امي تقاطع اخواتها جميعهم و جعلت ابي يقاطع عمتي و اخوانه كلهم .
امي الان اصبحت منحازه لاختي جدًا لدرجة انها اصبحت تكره زوجي ايضًا ولا تريده ان يدخل بيتهم ولا يوجد اي سبب فعلي لكرهها زوجي الا انه يصير ولد اختها الي قاطعتها .
حياتي اصبحت صعبه والضغط علي يزيد من كل مكان زوجي يسألني ايش فيها امي تغيرت عليه وتعصب عليه وما اقدر اقوله السبب .
اصبحت من فترة لفترة طويله ازورهم وكل يومين او 3 اتصل على امي اتطمن على احوالهم جميًا وازورهم زيارات ما تطول وايضًا امي زعلت اني ماعاد ازورهم زي قبل لاني اول ما ازورهم اختي تبدا تدعي على زوجي قدام بنتي ان ربي ياخذه ولا ربي يسبب له حادث او او او من هذي الدعوات السيئة وانا لا اريد لبنتي ان تسمع هذا الكلام . حاولت امنعها حاولت اقول لامي ان هذا الموضوع يضايقني ما تقدر امي تكلم اختي لان لسانها سليط .
ياشيخ الموضوع اتعبني جدًا جدًا ولاني عارفه انا وش اسوي اخاف اقاطعهم ربي يغضب علي انا ما ابغى شي يغضب ربي ولا يخليني عاقه باهلي ، تكفى افتي لي فتوى تريحني واخاف الشيطان يدخل بقلب امي وتطاوع اختي انها تقاطعنا انا واخوي زي ماقاطعتنا اختي ياشيخ .
