هل يجوز شراء العربيات المستعملة والتعديل عليها وبيعها بسعر أعلى ؟

Question

السلام عليكم فضيلة الشيخ عندي سؤالين بعد اذنك
انا بشتغل انا وزوجتي في عربيات الاطفال المستعمله بنشتريها وبنصلحها لو محتاجة تصليح سواء عند محل او بنفسنا وزوجتي بتغسلهم وبتسوقلهم علي النت وطبعا حالتهم بتبقي افضل بعد التصليح والغسيل وبنبيعهم علي النت وبنكسب فيهم مكاسب كويسه احيانا من اول 50 جنيه مثلا وفي حاجات بتوصل ل 500 جنيه او اكتر في القطعه الواحده حسب نوع كل عربيةوحالتها وسعرها فهل ده في شئ حرام
السؤال التاني
عميله من محافظة تانيه علي بعد حوالي 3 ساعات سفر اتفقت مع زوجتي علي شراء عربية اطفال منها وزوجتي غلفتها ونزلت ودتها لشركة الشحن واخدت ايصال من شركة الشحن انها بعتت معاهم العربية ببيانات العميله وبعتته للعميله والعميله حولت لزوجتي علي فودافون كاش عربون 150 جنيه والمفروض انها لما كانت هتستلم العربية من الشركة هتكمل باقي تمن العربية وتدفع فلوس الشحن
العربيه بالفعل سافرت للمحافظة التانيه ومندوب شركة الشحن وصلها للمنطقة اللي فيها العميله واختلفوا مع بعض انه عاوزها تنزل تستلمها من علي اول الشارع من برة وهي عاوزاه يدخلها جوا عند بيتها وهي صممت وهو صمم اتدخلت زوجتي عشان تحل الخلاف بينهم معرفتش ولما فشلت تواصلت مع اكتر من مسؤل في شركة الشحن عشان يخلوا المندوب يدخل جوا الشارع فشلت بعد خلافات كتير وعرضت علي العميله انها تنزل تركب توكتوك رايح جاي وزوجتي تبعتلها تكلفة التوكتوك علي فودافون كاش العميله رفضت وعرضت عليها تشوف مندوب تكون تعرفه من منطقتها يجيبلها الطلب وزوجتي تبعتلها التكلفه اللي هياخدها علي فودافون كاش العميله بردو رفضت وعرضت عليها انها تدفع فلوس زياده بقشيش لمندوب الشركة عشان يوافق يدخل جوا الشارع وزوجتي تحولهملها علي فودافون كاش المندوب بردو رفض انه يدخل الشارع
وبعد كل المحاولات دي الطلب هيرجع تاني لنا مع شركة الشحن والشركة طالبه تمن الشحن رايح وراجع 140 جنيه لانه سافر من محافظة لمحافظة عشان يسلمونا عربية الاطفال بتاعتنا وفي نفس الوقت العميله طالبه ال150 العربون اللي كانت دفعاهم اننا نرجعهم ليها ومش مقدرة ان الطلب اتغلف وزوجتي راحت مشوار لشركة الشحن والطلب سافر من محافظة لمحافظة سفر اكتر من 3 ساعات وانه بالفعل وصل لحد اول الشارع اللي فيه العميله
من وجهه نظرنا ان العربون ده الشركة هتاخد منه فلوس الشحن رايح راجع ال140 جنيه وان العميله حقها يرجع 10 جنيه فقط
فهل التصرف الصح ايه ندفع احنا من جيبنا 140 جنيه لشركة الشحن ونرجع ال150 العربون للعميله ولا يتدفعوا من فلوس العميله ونرجعلها 10 جنيه فقط فيدنى يا شيخ بارك الله فيك

Answer 1

وعليكم السلام ورحمة الله وبركاته
الحمد لله والصلاة والسلام على سيدنا محمد وعلى آله وأصحابه أجمعين وبعد أخي الكريم : أما صورة البيع التي تقومون بها فلا حرج فيها إلا إذا كان هناك عيوب في العربيات تخفونها على المشتري فهذا لا يجوز، أو تدلسون على المشتري بحيث تعرضونها على أنها جديدة.
ثانيا: لستم مجبرين بدفع العربون فقد تم البيع، والمشترية ملزمة بدفع باقي الثمن لكم، وأما أجرة الشحن إيابا فلا شيء عليكم، وأما أجرتها ذهابا فحسب اتفاقكم.