هل إذا آذيت شخصاً ولم يسامحني لن أدخل الجنة؟

Question

السلام عليكم ياشيخ لو سمحت هحكي مشكله لصاحبتي بس بصيغتي انا
دلوقتي لو كان ليا صاحبه بقالهاسنين معايا وعرفتني ع ابن خالها ع اساس انو هنتخطب فالفتره دي ولماحاولت اقرب منو هو اللي حكالي حاجات كتير عنهم  وعرفت حاجات عنو خلتني رفضت فكرة الارتباط منو وجت فتره بتكلم مع واحده صديقه ليا كنت واثقه فيها وللاسف ممكن اكون غلطت واتكلمت ف حاجات اتقالتلي وغلطت فيهم قدامهاوهي مكانتش قد الثقه وراحت بعتت كلامي وتسجيلاتي ليهم وهما زعلو وقتها وكلمو اهلي وصاحبتي لما جت تقولي فالشات ان فلانه دي بعتتلي تسجيلاتك غلطت فيا وشتمتني وانا قولتلها انا اسفه حقك عليا لو كنت قلت حاجه فضهرك وهي متقبلتش وشتمتني بلفظ وحش انا مردتش عليها قدام ربنا هنا انا اتأسفتلها عن خطأي الللي عايزه اعرفو بقى هل لو البنت دي مسامحتنيش مش هخش الجنه ولا هنا مليش عتاب من ربنا لاني اتاسفت واعتذرت وللاسف مش هينفع يكون بينا تواصل نهائي لان الموضوع دخل فيه اهالينا وخطيبي بس دايما بقعد افكر هل لو انا غلطت ف حقها وهي مش مسامحاني دلوقتي ممكن مخشش الجنه بالله عليك ياشيخ تعرفني

Answer 1

الحمد لله رب العالمين وصلى الله وسلم وبارك على سيدنا محمد وعلى آله وصحبه وسلم تسليما كثيرا أما بعد:
بارك الله بكم والحمد لله أنكم وُفّقتم للتوبة  الآن وهو علامة خير في العبد، لكن إن كان الظلم بسبب حقوق ومظالم هي لهم فلا بد من ردّها لهم حتى يتمكنوا من المسامحة والعفو.
فإن كانت مال ونحوه يعوّضون، وإن كانت حقوق معنوية كالغيبة والسخرية ونحوها فإنه يذكرهم بالخير بنفس المكان الذي حصل منه أذيتهم ويصحح المعاملة.
فإن لم يسامحوا فليجدد النية مع الله تعالى في صدق المعاملة والمسامحة معه ومع عباد الله تعالى ويكثر من الدعاء لهم بظهر الغيب كلما تذكّرهم ويحاول المواصلة عن طريق أحد وسيكون خيراً إن شاء الله إن في الدنيا أو الآخرة، فالأمر من طرفك هو الصدق وكثرة الدعاء ..نسأ ل الله أن يوفّقنا وإياكم.
وصلى الله على سيدنا محمد وعلى آله وصحبه أجمعين والحمد لله رب العالمين