السلام عليكم ورحمة الله وبركاته.
انا شاب عمري 20 سنة مريت بكثير مشاكل أخر 7 سنين من حياتي والحمدالله على كل حال.
عندي مشكلة عائلية متشعبة ومعقدة بلعديد من النواحي وصراحتا صار الوقت أني اسأل حد متخصص بلموضوع رح أحاول أختصر الموضوع بقدر المستطاع.
صراحتا مش عارف من وين ابدأ وايش احكي بس بلمختصر المفيد ابوي أخطأ كثير بحق امي وعمل مشاكل كثير بحقنا وبحقها ابوي كان يهتم لأخوانه وولاد أخوانه اكثر مننا يعطيهم فلوس وياخذ قروض عشانهم واحنا نجوع كان يتكفل بناس وهو ما عنده القدرة كان ياخذ قروض ربوية وهو ما عنده القدرة يدفعهم لحتى الشرطة عمموا عليه وصار يصف سيارته 4 سنين وما بسوقها ابدا ويحاول يتهرب من الشرطة قدر المستطاع ويسوي حاله مريض وما بقدر يسوق لحتى امي اكتشفت بلموضوع ودفعت المبالغ الي عليه وشلنا التعميم عنه وكلمرة ياخذ ديون من ناس وما يدفع وبل اخير امي الي تدفع وكان ياخذ اجهزة الكترونية لأهله وما يدفع وياخذ من الدكاكين وما يدفع ياريت بجيب النا بجيب لأهله.
صبرت عليه امي كثير وبل اخير اتطلقت منه طبعا بعد الطلاق امي قررت نطلع نسافر ونهاجر وندرس ونعيش ونشتغل برا وابوي مش راضي نسافر مع امي بس ابوي رضي يتخلى عن النفقة مقابل نسافر يعني من الأخير باعنا على المكشوف مقابل الفلوس, ضليت أكلمه سنة ونص بعد الطلاق والسفر وبعدين مرينا بضائقة مالية وطلبت منه اي مصروف يمشيني < كنت صغير ما بقدر أشتغل > وقلي تمام بعدين قلت اشوف اذا رح يتواصل معاي ويتذكرني ويتذكر طلبي ومر أشهر وسنين ما رجع يتواصل ! هسا على مين الخطأ علي ولا عليه والي انا بعمله حرام اني بطلت احكي معاه 5 سنين وانا للأن مريض جسديا وتعبان نفسيا وهو حاليا مسافر ووضعه ممتاز وبشتغل بدولة عريقة ووضعنا المادي بيسوء كليوم واختي معاها ذهان والادوية لحالهم نص الراتب يعني مين بتحاسب عند ربنا ابوي الي مش سأل عنا بلغربة ولا بدفع نفقة ولا بدرسنا ولا بطعمينا ولا اشي حرفيا مقطوع الأخبار عنه سنين انا بدي نصيحة وبدي اعرف مين الي عم بعمل حرام وايش اعمل ارجع اتواصل معه ولا لا وايش اقول له انا انسان بصلي وبصوم ومتقرب كثير لربنا وما بحب اعصيه واي معصية بشوفها بشمئز وبنصح بس موضوعي معقد وكثير كبير وهاذي الجريدة الي كاتبها ما بتعطي حق الموضوع والله يخلي امي النا ما قصرت معنا بأشي
, وشكرا كثير.
