السلام عليكم انا عندي وسواس له سنه بالتمام بكل امور الصلاه والطهاره. لكن الحمدلله خف مره صرت اصلي لحالي واتوضا لحالي لكن عندي وسواس في الغسل من الجنابه هو اني اخاف اني اصحى واصير محتلم انا اغتسل الغسل المجزئ عشان ابعد الوسواس. لكن مشكلتي هو اني اذا كنت محتلم قبل الاغتسال يخرج مذي. ثم يجب علي غسل الذكر والانثيين عن المذي. ثم النقطه ذي تتعبني حيث اني اغسل تقريبا 10 دقايق ولا ادري هل غسلت زين او لا هل وصل الماء لكل المنطقه او لا.
ثم اذا جيت اغتسل من الجنابه اخذ وقت عند الدش على بال ماحقق النيه احس اني لو اقول بسم الله وادخل تحت الدش اني مانويت
ثم اذا جزمت وصرت تحت الدش اصير فاتحه على اخره عشان يعمم الجسد. لكن المنطقه بين الدقن والرقبه من تحت الدقن احس مايجيها ماء وافرك بيدي لكن مادري هل ياصل الماء اولا وتحت الاذنين والاذنين بعد.
الان لو شفت بعد خروج المني مذي هل غسل الجنابه من دون غسل الذكر والانثيين يجزئ او لازم اغسل الذكر والانثيين.
والسوال الثاني كم مره واجب المضمضه والاستنشاق في الغسل.
للعلم اخذ تحت الدش من 38 دقيقه الى ساعه وفيه ايام اصل ساعه ونص واكثر هل اتجاهله ام مادا افعل
وكم من الوقت يكفي للغسل من الجنابه.
